29 მაისი 2010 წელი
2010 წლის 28-29 მაისს გაიმართა განათლების ფაკულტეტის დოქტორანტთა საგაზაფხულო რესპუბლიკური კონფერენცია მომხსენებლებმა წარმოადგინეს ცალკეული პრობლემები სადისერტაციო ნაშრომიდან და გაიარეს ერთგვარი აპრობაცია. ...სრულად »

25 მაისი 2010 წელი
2010 წლის 24–25 მაისს მიმდინარეობდა შოთა რუსთაველის სახელმწიფო უნივერსიტეტის განათლების ფაკულტეტის სტუდენტთა საუნივერსიტეტო კონფრენცია. წარმოდგენილი იყო 14 სტუდენტის მოხსენება სწავლებისა და აღზრდის აქტუალურ საკითხებზე. III– IV კურსის სტუდენტთა მოხსენებები ემყარებოდა პედაგოგიური პრაქტიკის პერიოდში შეკრებილ მასალებს და აკმაყოფილებდა კვლევითი ხასიათის მოხსენებების მოთხოვნებს. სექციას ხელმძღვანელობდა პროფესორი იური ბიბილაიშვილი.

        

05 მაისი 2010 წელი
2010 წლის 27 მაისს პედაგოგიკურ მეცნიერებათა დეპარტამენტი ატარებს მაგისტრანტთა რესპუბლიკურ კონფერენციას, რომელიც ეძღვნება შოთა რუსთაველის უნივერსიტეტის 75 წლისთავს.

05 მაისი 2010 წელი
2010 წლის 20 მაისს პედაგოგიკურ მეცნიერებათა დეპარტამენტი ატარებს დოქტორანტთა რესპუბლიკურ კონფერენციას, რომელიც ეძღვნება შოთა რუსთაველის სახელმწიფო უნივერსიტეტის 75 წლისთავს.

02 მაისი 2010 წელი
შოთა რუსთაველის უნივერსიტეტის დაარსების 75 წლისთავს მიეძღვნა დასავლეთ საქართველოს ღია ჩემპიონატი მკლავჭიდში. ჩემპიონატი ჩატარდა 6 წონით კატეგორიაში 60კგ. 70კგ. 70კგ.(გოგონები) 80კგ. 90კგ. შეჯიბრებაში მონაწილეობდნენ: ჭიათურის, რაჭის, საგარეჯოს, სტეფანწმინდის, ქუთაისის, ხულოს, ბათუმის, ხელვაჩაურის ახალგაზრდები. ...სრულად »

01 აპრილი 2010 წელი
2010 წლის 1 აპრილს შოთა რუსთაველის სახელმწიფო უნივერსიტეტის განათლების ფაკულტეტის სტუდენტებმა და პროფესორ–მასწავლებლებმა შუა საუკუნეების ქართული კულტურის უდიდესი ნიშანსვეტი – გელათის მინასტერი მოინახულეს. დაათვალიერეს წმინდა გიორგის, წმინდა ნიკოლოზის, ღვთისმშობლის შობის სახელობის ტაძრები და გელათის აკადემიის რესტავრირებული დარბაზები.

იმავე დღეს სტუდენტები და ლექტორები ეწვიენ თანამედროვე ქართული მწერლობის ცოცხალ კლასიკოსს ოტია იოსელიანს. გაიმართა საუბარი მწერალსა და მკითხველებს შორის. სტუდენტებმა გამოავლინეს მწერლის შემოქმედების ცოდნა, დაუსვეს შეკითხვები და მწერლისგან მიიღეს ორიგინალური შინაარსის პასუხები. შეხვედრა ხუთ საათს გაგრძელდა.

        

30 მარტი 2010 წელი
რესპუბლიკური სამეცნიერო კონფერენცია
შოთა რუსთაველის სახელმწიფო უნივერსიტეტის დაარსების 75 წლისთავს მიეძღვნა რესპუბლიკური სამეცნიერო კონფერენცია, რომელიც განათლების ფაკულტეტის პედაგოგიკურ მეცნიერებათა დეპარტამენტმა ჩაატარა 2010 წლის 29 და 30 მარტს. კონფერენციაში ადგილობრივ პროფესორ-მასწავლებლებთან ერთად მონაწილეობა მიიღეს თბილისელმა და ქუთაისელმა მომხსენებლებმაც. სულ მოსმენილ იქნა 19 კვლევითი ხასიათის მოხსენება სწავლებისა და აღზრდის აქტუალურ საკითხებზე. კონფერენციაზე წაკითხული მოხსენებები დაიბეჭდება უნივერსიტეტის 2010 წლის შრომების XV ტომში.

        

27 მარტი 2010 წელი
2010 წლის 27 მარტს შოთა რუსთაველის სახელმწიფო უნივერსიტეტში ჩატარდა განათლების ფაკულტეტის მაგისტრანტთა სამაგისტრო ნაშრომების დაცვა. განათლების მაგისტრის წოდება მიენიჭა განათლების მაგისტრატურის განათლების მკვლევარის სპეციალობის 5 მაგისტრანტს (თინა ჭეიშვილს, ნანა დიასამიძეს, თეონა დიასამიძეს, გურანდა ბოლქვაძეს, ბესიკ დარჩიძეს), საბაზო და საშუალო სკოლის საქართველოს ისტორიის მასწავლებლის სპეციალობის 2 მაგისტრანტს (დონარ წუზბასა და მაია კიკვაძეს) და საბაზო და საშუალო სკოლის მათემატიკის მასწავლებლის სპეციალობის ერთ მაგისტრანტს (იზოლდა მახაჭაძეს). დაცვის კომისიას თავმჯდომარეობდა ფაკულტეტის დეკანი სრული პროფესორი ავთანდილ ქემხაძე (მდივანი ასოცირებული პროფესორი ლია ინაიშვილი).

        

23 მარტი 2010 წელი
განათლების ფაკულტეტი 2010–2011 სასწავლო წლისათვის მიღებას აცხადებს მხოლოდ ერთ საგანმანათლებლო პროგრამაზე – განათლების მენეჯმენტი და ადმინისტრირება. განათლების ფაკულტეტის ხარისხის უზრუნველყოფის სამსახურის ინიციატივით 2010 წლის 23 მარტს დაწყებითი განათლების სპეციალობის IV კურსზე ჩატარდა აღნიშნული პროგრამის პრეზენტაცია. პრზენტაცია წარმართა სამაგისტრო საგანმანათლებლო პროგრამის ხელმძღვანელმა სრულმა პროფესორმა ლელა თავდგირიძემ. პრეზენტაციის ორგანიზატორებმა უპასუხეს სტუდენეტების მიერ დასმულ შეკითხვებს.

        

02 მარტი 2010 წელი
ბათუმის შოთა რუსთაველის სახელმწიფო უნივერსიტეტის პედაგოგიკურ მეცნიერებათა დეპარტამენტი 2010 წლის 29 მარტს ატარებს რესპუბლიკურ სამეცნიერო კონფერენციას თემაზე: ,,სწავლებისა და აღზრდის აქტუალური საკითხები’’. კონფერენციისათვის თეზისების წარმოდგენა წარმოებს 20 მარტამდე.

03 თებერვალი 2010 წელი
ოთხშაბათს, 3 თებერვალს 11 საათზე N-103 აუდიტორიაში ჩატარდა უნივერსიტეტის სტუდენტთა სამეცნიერო ცენტრის პრეზენტაცია. ინფორმაცია გააკეთა სტუდენტთა სამეცნიერო ცენტრის ხელმძღვანელმა თამაზ დარჩიძემ. სიტყვით გამოვიდა პედაგოგიკურ მეცნიერებათა დეპარტამენტის ხელმძღვანელი სრული პროფესორი ი.ბიბილეიშვილი, შეიქმნა განათლების ფაკულტეტის სტუდენტთა სამეცნიერო კლუბი.

19 დეკემბერი 2009 წელი
განათლების ფაკულტეტის სპეციალიზირებული საბჭოს სხდომაზე ჩატარდა მაძიებელ აკაკი ზოიძის სადისერტაციო ნაშრომის „თხზულების სწავლება“ (I-VI კლასებში) საჯარო დაცვა.

17 ნოემბერი 2009 წელი
2009 წლის 17 ნოემბერს მოეწყო განათლების ფაკულტეტის, დაწყებითი განათლების სპეციალობის მე-2 და მე-3 კურსის სტუდენტთა ექსკურსია ბოტანიკურ ბაღში. სადაც სტუდენტები გაეცნენ მცენარეთა კოლექციას, რომელიც შეიცავს 5000-ზე მეტ სახეობას, სახესხვაობას, ფორმასა და ჯიშს.

        

03 ნოემბერი 2009 წელი
2009 წლის 2-3 ნოემბერს თბილისში გაიმართა მასწავლებელთა პროფესიული განვითარების ცენტრის მიერ ორგანიზებული ტრენინგი, რომელიც ჩაუტარდათ ახლად შერჩეულ კოორდინატორებს რეგიონებიდან. აჭარიდან, ცენტრის მიერ შეარჩეულ იქნა შოთა რუსთაველის სახელმწიფო უნივერსიტეტის, განათლების ფაკულტეტის,დაწყებითი განათლების სპეციალობის მე-3 კურსის სტუდენტი ნათელა იმნაძე. მას დაევალა დაინტერესებულ ლექტორ-მასწავლებლებისათვის, სტუდენტებისათვის ცენტრის მიერ წარმოდგენილი პროექტების შესახებ ინფორმაციის მიწოდება, კონსულტაციების გაწევა.

    

29 ოქტომბერი 2009 წელი
2009 წლის 29 ოქტომბერს რსუ–ს განათლების ფაკულტეტის დეკანის სრული პროფესორის ავთანდილ ქემხაძის თაოსნობით მოეწყო განათლების ფაკულტეტის პროფესორ–მასწავლებელთა ექსკურსია ჯიხეთის შუა საუკუნეების სამონასტრო კომპლექსში....სრულად »

27 ოქტომბერი 2009 წელი
რსუ–ს აკადემიური საბჭოს 2008 წლის 12 სექტემბრის № 71 დადგენილებით განათლების ფაკულტეტის № 111 აუდიტორიას მიენიჭა პროფესორ ალექსანდრე გობრონიძის სახელი....სრულად »

        

10 ოქტომბერი 2009 წელი
ექსკურსია ნიკო ნიკოლაძის სახლმუზეუმში
2009 წლის 10 ოქტომბერს პროფესორ იური ბიბილეიშვილის ხელმძღვანელობით ჩატარდა ერთდღიანი სასწავლო ექსკურსია XIX საუკუნის გამოჩენილი მოაზროვნის, მოღვაწისა და მამულიშვილის ნიკო ნიკოლაძის სახლმუზეუმში (სამტრედიის რაიონის სოფ. დიდი ჯიხაიში).

      

25 აგვისტო 2009 წელი
განცხადება
განათლების ფაკულტეტი აცხადებს მიღებას სამაგისტრო საგანმანათლებლო პროგრამებზე...სრულად »

30 ივნისი 2009 წელი
30 ივნისს ჩატარდა განათლების ფაკულტეტის დოქტორანტთა რესპუბლიკური კონფერენცია თემაზე "განათლების სფეროს დარგობრივი და ორიგინალური კომპეტენციები".

კონფერენციის პროგრამა მოიცავდა მოხსენებათა თეზისებს, სამეცნიერო ხელმძღვანელთა ვინაობას, ახალი გამოცემების შესახებ ინფორმაციას. დოქტორანტთა სამეცნიერო კონფერენციებში მონაწილეობდნენ ბათუმისა და ქუთაისის სახელმწიფო უნივერსიტეტების დოქტორანტები.

17 ივნისი 2009 წელი
უნივერსიტეტის ეზოში განათლების დოქტორ ლია ინაიშვილის და მასწავლებელ მარინა ნაგერვაძის ხელმძღვანელობით მეორე კურსელების მიერ ჩატარდა შემოქმედებითი საღამო "პალიტრა".